‘বিজয়ৰ এক নতুন দিগন্ত’, - পদ্মেশ্বৰ বৰা

এক নতুন সপোন, এক নতুন ধাৰণা,

নৱ এক বিপ্লৱৰ, অলেখ কল্পনা ।

উৎফুলিত মন আজি, প্রফুল্লিত জন,

আকাশে বতাহে মাথো, বিজয়ৰ পণ ।

মনে মনে জাগি উঠে, সপোন ঘনে ঘনে,  

আনন্দৰ রুল বলে, প্রতি ক্ষণে ক্ষণে ।

ত্রাস অহিংসা, কপট ভেদ কৰি,

সকলো মানৱ আপোন, লোৱা সুৱৰি ।

আজি এই পবিত্র ক্ষণত, নাইযে বিৰাম,

আহা সৱে গঁঢ়ো আমি, দেশৰ সুনাম ।

বিজয়ৰ এই নতুন পলত, ৰং শিঙা বাজে,

বাজিব সদ্য সুখৰ ধ্বনি, আমাৰ স্বতন্ত্ৰ কাজে ।

স্থিত কৰা এই নব্যক্ষণটো, কৰা চিৰগামী,

সদা সুখে ভবঃ, বৈভ হৃদয়ঙ্গামী ।