প্রভু
- পদ্মেশ্বৰ বৰা
হে প্রভু দয়াময়, কৰুণা সাগৰ ।
সৰ্বদিশে স্থিত তুমি, আছা চৰাচৰ ।।
ত্রিভূৱনৰ পতি তুমি, জ্ঞাত সৰ্বক্ষণে ।
ঠাই দিয়া প্রভু তুমি, তোমাৰ চৰণে ।।
সৰ্বজীৱ শৰীৰতে তোমাৰে স্থিতাপি ।
অজ্ঞাত মনুষ্য আমি, পূজো প্রতিলিপি ।।
অন্যায়-অধম কাজ, কৰি আছো আমি ।
ক্ষমা কৰা আমাক, হে অন্তযামি ।।
ইজনে-সিজনক কৰো, অন্যায় সদায় ।
তোমাৰেই হানি কৰো, নাজানি হায় হায় ।।
সকলো জীৱৰ দেহাতে আছা তুমি ।
কোনো জীৱক অন্যায় কৰিলে, আহে আমাৰেই ছুনামি ।।
নাজানো তোমাৰ লীলা কৰোযে অন্যায় ।
মনক কৰা সদগতি, সু-পথে নিয়ায় ।।
হে ঈশ্বৰ, লোভ-মোহ কৰা বহিষ্কাৰ ।
ক্রোধ ক্ষান্ত কৰা আৰু লুপ্ত কৰা অহংকাৰ ।।
বদগুণসমূহে বেৰি ধৰে, পতি পলে পলে ।
অন্ত কৰা প্রভূ ইবোৰ, নিয়া বিকলে ।।
মায়াৰ বান্ধোনৰ পৰা, কৰা আমাক উদ্ধাৰ ।
তোমাৰ ওচৰত প্রভু, দিয়া হিতাধিকাৰ ।।