“ মোৰ মা ” (কবিতা)

“ মোৰ মা ”

   -পদ্মেশ্বৰ বৰা

হেৰা মোৰ পূজনীয়া, মান তুমি সৰগীয়া

    হে মোৰ হৃদয় সৰগা,

তুলনাৰ নাই প্রৱেশ, সমভাব নাই আৱেশ

   তুমিয়েই মোৰ মৰমৰ মা ।

জীৱনৰ নাওঁখনি, মৰতৰ ভূমি

    তুমি আনিলা মোক হে আই,

তুমিয়ে মোৰ জীৱনৰ, দেৱী মোৰ সৰগৰ

    তুমাৰ সমান তুলনা নাই ।

তুমিয়ে মোৰ কলিজাৰ, সপোনৰ যুগমীয়া

    নিজৰ কাৰণে নাই বেশ,

মোৰ তুমি চেনেহৰ, মৰম মোৰ হৃদয়ৰ

    তুমিয়ে মোৰ আপোন স্বদেশ ।

নিলগত আতৰিব, কেতিয়াও নিবিচাৰো

    তুমিয়েই মোৰ বিহগী আই,

সকলো দেশে-বেশে, ঘূৰি ঘূৰি মাতিলেও

    মাতিবলৈ কোনোৱে নাই,

তুমিয়েই মোৰ একমাত্র আপোন আই ।